LETRAS GALEGAS 2019 ANTÓN FRAGUAS

"SER GALEGUISTA NON É MÁIS QUE SER AMANTE DA NOSA TERRA"

AS LETRAS GALEGAS 2019 ESTÁN ADICADAS A ANTÓN FRAGUAS FRAGUAS.
OS NENOS E NENAS DE 5º DA EEI DA PASTORA, EN REPRESENTACIÓN DO COLE, FIXERON UNHA PEQUENA ACTUACIÓN XUNTO AOS OUTROS CENTROS DO CONCELLO.

CELEBRACIÓN DAS LETRAS GALEGAS 2017

CHEGOU O DÍA E OS NENOS DE 4º DA PASTORA BAIXARON AO PASEO DA CALZADA PARA CELEBRAR O DÍA DAS LETRAS GALEGAS.

PARA HOMENAXEAR A CARLOS CASARES CONTARON "A GALIÑA AZUL", UN FRAGMENTO DO LIBRO "A GALIÑA AZUL" DE CASARES.

FIXÉRONO XENIAL!!!

PARABÉNS AOS PEQUENOS E PEQUENAS E PARABÉNS ÁS PROFES TAMÉN!!!

LETRAS GALEGAS 2017

POR FIN REMATAMOS O NOSO PANEL DAS LETRAS GALEGAS!!!

TRABALLAMOS TODOS ARREO PARA QUE QUEDASE BEN BONITO

LOGO IRÁ PARA O "PASEO DA CALZADA" COS PANEIS DOS DEMÁIS COLEXIOS QUE PARTICIPAN NA CELEBRACIÓN DAS LETRAS GALEGAS

ASÍ QUEDOU A NOSA HOMENAXE AO ESCRITOR CARLOS CASARES

CONCURSO DE LEMAS EN GALEGO

 

Estes son os gañadores do concurso de lemas en galego deste ano:

 

O Equipo de Dinamización da Lingua Galega agasallou ós gañadores cun  libro:

AS NOSAS LETRIÑAS: XOSÉ NEIRA VILAS

 

O Equipo de Dinamización da Língua Galega, organiza, como cada ano, “As nosas letriñas”, proxecto adicado a un escritor ou escritora, ilustrador ou ilustradora, que escriban en galego para nenos e poidan visita-lo centro.

Ata o de agora xa pasaron polo noso centro Mon Daporta, Moncho Caride, Eduardo Baamonde, Chema Heras, Fina Casalderrey e Abraham Carreiro.

Desta volta, no ano 2014, “As nosas letriñas” están adicadas a Xosé Neira Vilas, autor do considerado o primeiro clásico da literatura infantil e xuvenil galega “Memorias dun neno labrego”, e que estará connosco o xoves 22 de maio a partires das 12:00h.

Xosé Neira Vilas naceu en Gres, Vila de Cruces, en 1928. En 1949 emigrou a Buenos Aires onde tomou conciencia da identidade de Galiza en contacto cos intelectuais do exilio. En 1957 casou con Anisia Miranda, coa que fundou a editoral Follas Novas para difundir o libro galego en América. En 1961 foron vivir a Cuba. Traballou na Administración e fixo xornalismo literario. En 1969 fundou a Sección Galega do Instituto de Literatura e Lingüística, que dirixiu durante vinte e dous anos. Na Arxentina e en Cuba fixo investigacións sobre a presenza da emigración galega en América. Volta a Galiza, na súa aldea natal de Gres preside a Fundación cultural Xosé Neira Vilas. É membro numerario da Real Academia Galega, Doutor Honoris Causa polas Universidades da Coruña e da Habana, Premio da Crítica Española (narrativa) e premio da Crítica Galega (ensaio). Fóronlle outorgadas as medallas Castelao, Pedrón de Honra e Celanova Casa dos Poetas.

LETRAS GALEGAS

 

Os alumnos e alumnas de 5º nivel do Centro participaron no Festival das Letras Galegas que se celebrou logo da ofrenda florar a Ramón Cabanillas no Paseo da Alameda de Cambados.

Houbo moitos colexios participando no encontro. Do noso centro foron: Enma, Ainhoa e Mariña, de 5ºA; e Pablo G., Ariana e Irene de 5ºB.

Fixérono  moi ben recitando unha poesía de Antonio García Teijeiro que se titula: “No país das bolboretas”, do libro Bolboretas no papel.

O PAÍS DAS BOLBORETAS, de Antonio García Teijeiro

NO PAÍS DAS BOLBORETAS

FAI CADA UN O QUE LLE PETA

AS ABELLAS FAN CALCETA,

OS CANS TOCAN A TROMPETA

E OS COELLOS A CORNETA

AS CARREIRAS SON SEN META,

MESMO AS CURVAS SON BEN RECTAS

E OS POEMAS PERDEN LETRAS.

AS CENTOLAS SON PERFECTAS,

OS PARDAIS VAN EN CARRETAS

E O SOL ANDA EN BICICLETA.

NO PAÍS DAS BOLBORETAS

FAI CADA UN O QUE LLE PETA.

ROUBAN VERSOS OS POETAS

VAN OS SAPOS CON MALETAS

E OS ROBOTS SON CALDEIRETAS.

ALGÚNS MERCAN CON PESETAS,

VENSE GATOS CON COLETA

E AS BANDEIRAS SON BAETAS.

OS PINGÜÍNS VAN DE ETIQUETA,

NON HAI CARTAS NA ESTAFETA

E UN PINTOR NON TEN PALETA.

AI, QUE DEMO DE PAÍS!

O PAÍS DAS BOLBORETAS!

TODOS FAN O QUE LLES PETA!